Kete 12 za Madawa zakamatwa MICHEWENI

 

KAMATI ya ulinzi na usalama wilaya ya Micheweni ikiongozwa na mkuu wa wilaya hiyo SALAMA MBAROUK KHATIBU imefanikiwa kukamata kete 12 zinazosadikiwa kuwa ni dawa za kulevya aina ya HEROINE katika eneo la kiuyu kipangani.

Kwa mujibu wa taarifa kutoka kwa Kamanda wa Polisi Mkoa wa Kaskazini Pemba, ALIHAJI HAJI KHAMIS HAJI amesema kuwa, kete hizo zimebainika baada ya kufanya upekuzi kwa Kijana MWALIM IDDI MWALIMU 35, mkaazi wa Kinowe Jisu.

Kamanda huyo amesema kuwa kijana huyo anashikiliwa na Jeshi la Polisi na Upelelezi utakapokamilika atafikishwa Mahakamani kujibu tuhuma zinazomkabili.

 Katika hatua nyingine kamanda HAJI amesema kuwa katika Oparesheni hiyo wamefanikiwa kuwakamata vijana wanne waliokuwa katika  mazingira hatarishi

“jeshi la polisi litawakama wale wote ambao wanajihusisha na vitendo vya kiuhalifu ndani ya jamii “alisema kamanda haji.

Hata hiyo mkuu wa wilaya ya Micheweni salama mbaruku khatibu amesema wamejipanga kuhakikisha wameondoa kambi zote za madwa ya kulevya katika wilaya hiyo.

Salama amesema  kila maeneo ambayo yanatuhumiwa kutumiwa madawa ya kulevya watakwenda kupekuwa ili kujuwa hali ilivyo.

“tutawatafuta wahalifu wote kwa gharama yeyote ili kuwaondo wahalifu katika wilaya ya Micheweni na mkoa wa kaskazni pemba kwa ujumla”alisema mkuu wa wilaya salama.

Oparesheni hiyo imekuja kutokana na malalamishi ambayo wananchi waliyapeleka kwa mkuu wa wilaya juu ya uwepo wa vikundi mbalimbali vya uhalifu katika maeneo yao.