Shehia NNE Jimbo la Micheweni Kunufaika na Mfuko wa Mwakilishi

KAMATI ya maendeleo ya Jimbo kupitia mfuko wa Mwakilishi wa Jimbo la Micheweni imepitisha miradi mine ambayo itaanza kutekelezwa hivi karibuni.

Hatua hiyo imekuja mara baada ya kumalizika kwa kikao cha kamati hiyo kilichofanyika leo cha kujadili na kupitisha miradi mbalimbali ya maendeleo katika jimbo hilo.

Akizungumza katika kikao hicho, Mwenyekiti wa kamati hiyo ambae pia ni mwakilishi wa jimbo hilo, Mhe. SHAMATA SHAAME HAMIS amesema miradi hiyo ni moja ya vipaumbele ambavyo vimechaguliwa na wananchi katika maeneo yao.

SHAMATA amesema atahakikisha kwamba miradi yote iliyopitishwa na kamati hiyo inatekelezwa kama ambayo imekusudiwa.

Katibu wa kamati hiyo, Mwalimu MKASHA SHAAME, amesema kamati yao inaendelea kuhakikisha kuwa miradi yote iliyopendekezwa na wananchi inatekelezwa ili kuwaondoshea wananchi usumbufu.

 Kwa upande wake mjumbe wa kamati hiyo Bi SOPHIA MOHAMED MZIRAI, amesema amefurahishwa na ushirikishwaji wa wanawake katika kamati hiyo na kujiona na wao wana nafasi ya kushiriki kupitisha miradi mbalimbali ya maendeleo.

Katika kikao hicho, miradi ambayo imepitishwa na kamati hiyo ni mapoja na, mradi wa Umeme katika shehia ya Majenzi, Ukumbi wa Mikutano Skuli ya Kiuyu, Soko la Micheweni, na visima katika Shehia ya Maziwang’ombe.