Vijana Kisiwani Pemba wanufaika na Elimu ya Utawa Bora

 

Vijana wa Mkoa wa Kaskazini Pemba wametakiwa kushiriki katika shughuli za mandeleo ili Taifa kuweza kupiga hatua.

Ushauri huo umetolewa na MWANAID ALI SAID Kutoka shirika la ACTION AID wakati alipokuwa akitoa mafunzo juu ya utawala bora na ushirikishwaji katika ukumbi wa Jamhuri Wilayani Wete.

Amesema kuwa wameamua kuwasaidia vijana kwa kuwapatia mafunzo ya utawala bora na ushirikishwaji ili kuweza kujua wajibu wao ndani ya serikali na jamii kwa ujumla.

Akizungmza katika mafunzo hayo mjumbe kutoka shirika la umoja wa Mataifa UN, Mohamed Hassan Ali amesema Uwazi na ushirikishwaji ndiyo chanzo cha kuwepo kwa utawala bora katika Taifa.

Ali amesema bado kuna changamoto kwa baadhi ya vijana ambao wanajiingiza katika masuala la kisiasa kutokana na wengi wao kutokuwa na elimu ya kutosha juu ya siasa.

Nao baadhi ya vijana walioshiriki mafunzo hayo wamesema kuwa mafunzo hayo waliyoyapata kutoka shirika hilo yamewasaidia kutambua wajibu na mchango wao katika Taifa.

Mafunzo hayo ya siku mbili ya kuwajengea uwezo vijana juu ya dhana ya utawala bora na ushirikishwaji yanajumuisha jumla ya vijana 25 kutoka mkoa wa kaskazini Pemba.