'Madereva Pemba acheni Kupandisha Nauli kiholela'

Madereva   Wilaya ya  Wete wanaochukua Abiria wa Melini  Mkoani wete wametakiwa kuacha tabia ya kupandisha bei kiholela na badala yake wasubiri bei ambazo zitatangazwa na serikali kisheria.

Hayo yamelezwa na katibu Tawala Wilaya ya Wete Mkufu Faki Ali wakati akizungumza na Madereva hao hapo Ofisini kwake Wete.

Amesema kumekua na malalamiko mengi kutoka kwa abiria juu ya nauli walizoziweka  Mkoani na Wete jambo ambalo sio utaratibu uliowekwa kisheria.

Aidha amesema wanaopaswa kupandisha bei za abiria ni wizara  husika inayoshughulikia masuala ya usafirishaji ndio wenye mamlaka ya kutangaza bei mpya na sio jambo  jema  kukaa madereva kuweka bei mpya kinyume na sheria .

Nao Madereva hao wamesema changamoto kubwa inayopelekea kufanya hivyo ni kutokana na upandishwaji  wa  kodi mara mara ambapo kunawapelekea kuweka  bei hiyo.

Kwa upande wake Afisa usafirishaji Pemba  Khamis Ali ameeleza kuwa mwenye mamlaka ya kutangaza bei  mpya ni Mh Waziri pekee na kuataka madereva hao kukaa na taasisi husika ili kutatua changamoto zao.

Hata hivyo amesema licha ya kupandishwa kwa bei ya mafuta lakini ni vyema kuendelea na utaratibu ule ule uliopo wa nauli kwa wananchi na waache kuwasumbua.