Naibu Waziri SMZ Aonya Watakao 'Fisadi' fedha za miradi ya serikali

NAIBU Waziri Wizara ya Nchi Ofisi ya Rais Tawala Za Mikoa Serikali za Mitaa na Idara Maalum za Serikali Mh Shamata Shaame Khamis amewataka maafisa na chuo  cha Mafunzo Pemba kufanya kazi kwa uaminifu sambamba na kutoa taarifa kwa yeyote atakaeonyesha viashiria vya kufanya ubadhirifu wa fedha za miradi ya serikali.

Akizungumza  na Maafisa  wa Chuo cha Mafunzo  huko Tungamaa ikiwa ni muendelezo wa ziara zake za kukagua ujenzi wa nyumba za kuishi pamoja na ofisi za maafisa na wapiganaji  wa kikosi hicho , mhe Shamata amesema ni vyema kuonesha uaminifu wa hali ya juu katika kusimamia na kuiendeleza miradi hiyo .

Nae kamishna wa vyuo vya mafunzo Zanzibar ALI ABDALA ALI amempongeza rais wa Zanzibar DR ALI MOHD SHEIN kwa kuwapatia fedha za ujenzi wa nyumba hizo sambamba na kuwashukuru mafundi wenye dhamana ya ujenzi kwa hatua waliyofikia .

Mkurugenzi Mipango , Sera na Utafiti Wizara ya Nchi Ofisi ya Rais Tawala za Mikoa Serikali za Mitaa na Idara Maalum za Serikali Abdalla Issa Mgongo  amesema kiwango cha fedha kilichotumika katika ujenzi huo zinaendana na hali ya hatua za majengo zinazoendelea.