SIRI MATOKEO MABAYA KWA WANAFUNZI YABAINIKA, DC MICHEWENI ATOA AGIZO ZITO KWA WALIMU, WAZAZI

UTORO, Malezi hafifu, na Ufuatiliaji mdogo wa wazazi, vimetajwa kuwa chanzo kinachopelekea Wanafunzi wengi kufeli katika Mitihani yao mbalimbali ya kitaifa Wilaya ya Micheweni Mkoa wa kaskazini Pemba.

Hayo yamebainishwa katika kikao cha wazazi, kamati ya Skuli, Walimu pamoja na Mkuu wa Wilaya hiyo Bi Salama Mbarouk Khatib, katika Ukumbi wa Skuli ya Karume Msingi iliyopo Shumba ya Mjini wilayani hapo.

Wakichangia katika kikao hicho cha kutathimini sababu za wanafunzi kuendelea kufanya vibaya katika mitihani ya Taifa, wazazi hao wamesema zipo sababu mbalimbali ambazo hupelekea matokeo mabaya kwa wanafunzi.

Asha Nassor Abdallah, amebainisha na kusema kwamba wazazi hasa wa kiume, wamekosa ufuatiliaji kwa watoto wao na kupelekea watoto kuwa watoro.

Asha Nassor Abdallah, Mzazi akichangia katika kikao hicho

“Wazazi tupo bize na kwenda ‘Pwani’ hata hatuwaulizi Watoto wetu kama wamekwenda skuli na matokeo yake hawaendi skuli, pengine unakuta mtoto kwa wiki nzima ameenda skuli mara moja au hata haendi kabisa, unatarajia mtoto huyo atafaulu?,” aliuliza Bi Asha.

Mwalimu mkuu wa Skuli ya Karume, Nassor Omar Bakar, alisema licha ya juhudi zinachukuliwa na walimu kufundisha lakini upungufu wa Walimu pia nalo no tatizo katika ufaulu wa Wanafunzi.

Mwalimu mkuu wa Skuli ya Karume, Nassor Omar Bakar, akifungua kikao hicho

“Skuli yetu ya Karume ina wanafunzi 1,072 kati yao wanaume ni 549, wanawake wakiwa ni 523, lakini walimu tulionao hapa ni 15 tu, jambao ambalo ni tatizo kwani wanafunzi ni wengi kuliko idadi ya walkimu,” alisema Bakar.

Akijibu baadhi ya maoni ya wazazi, Mkuu wa Wilaya hiyo Salama Mbarouk Khatib, aliitaka kamati ya skuli kukutana pamoja na wazazi ili kujadili masuala mbalimbali ya maendeleo ya wanafunzi.

“Niwaagize kamati ya Skuli, tafteni siku mkae pamoja na wazazi ili kutafta msitakabali wa maendeleo ya wanafunzi kwani hatuwezi kufumbia macho watoto wetu kuendelea kufelim,” alisema Mkuu huyo wa Wilaya.

Mkuu wa Wilaya ya Micheweni, Salama Mbarouk Khatib, (katikati) akiandika maoni ya wazazi wakati wa kikao hicho ambapo alikuwa mgeni rasmi.

Aidha pia alishauri wazazi na walimu kukubalina pamoja ili kuwawezesha watoto kupatiwa fursa ya kuwa wanasomeshwa masomo ya Ziada.

Sikuli ya Karume Msingi iliyopo Shumba Mjini Wilaya ya Micheweni ni Miongoni mwa Skuli katika Wilaya hiyo zilizofanya vibaya katika Mitihani ya Darasa la Nne na Sita kwa mwaka 2017.

MATUKIO KATIKA PICHA