'SMZ Ajirini Wataalamu wa Lungha za Alama'

SERIKALI ya Mapinduzi ya Zanzibar imeshauriwa kuimarisha Miundombinu pamoja na kuajiri wataalamu wa lugha za Alama katika Vituo vya Afya ili kuwawezesha watu wenye mahitaji maalumu (Walemavu) kunufaika na huduma za matibabu.

Akizungumza wakati wa kuwasilisha  ripoti ya watu wenye ulemavu kwa Mkoa wa Kusini katika muendelezo wa Mkutano wa utekelezaji wa  mradi wa kushajihisha Uwajibikaji Zanzibar PAZA katika Ukumbi wa Ofisi za TAMWA Tunguu.

Mwenyekiti wa Jumuiya ya Watu ulemavu Mkoa wa Kusini Unguja  Yunus Kassimu Khatibu  amesema watu wenye ulemavu wanapata tabu wakati wanapohitaji huduma za afya kutokana na kushindwa kuwasiliana na Baadhi ya Madaktari juu ya matatizo yanayowakabili.

Amesema licha ya kuandaliwa mazingira Bora kwa Baadhi ya Majengo ya Umma lakini bado  katika Vituo vya Afya vya mjini na vijiji upatikanaji wa huduma za afya umekuwa si rafiki kwao.

’’serikali ituangalie sana sisi walemavu tunapata tabu hususan wenye ulemavu wa kusikia baadhi ya madaktari hawatufahamu tunapotaka kuwasiliana nao bora tuekewe wataalamu wa lugha za alama kwenye vituo vya afya ili watusaidie katika mawasiliano ’’Alisema Yunus.

Akizungumzia suala la Miundombinu rafiki katika Majengo ya Umma ikiwemo skuli amesema Bado suala hilo ni Tatizo kwao jambo ambalo linawakosesha Fursa za Elimu  katika Baadhi ya skuli za Msingi na secondary pamoja na Vyuo vya Elimu ya juu.

Amesema licha ya watu wenye ulemavu kuwa na muitikio mkubwa wa kupata elimu lakini jitihada zao zinaishia njiani kutoka na kukabiliwa na matatizo mbali mbali wakati wanapohitaji elimu hiyo ikiwemo miundombinu isio rafiki pamoja na kukusa Nyenzo za kufundishiwa jambo ambalo linawakosesha fursa za kufaulu.

Mwenyekiti huyo Alisema “ miundombinu rafiki katika vituo vya afya pamoja na maeneo ya maskulini yamekuwa yakiwakwamisha watu wenye ulemavu katika jamii na kupelekea kushindwa kupata huduma bora ambazo wanazipata watu wengine licha ya kuwa na sisi  tunauwezo wa kuzipata’’

Akitowa ufafanuzi juu ya suala la Miundo mbinu ya vituo vya afya Vilivyomo katika Mkoa wa Kusini Daktari Zamana wa Wilaya ya kati Tatu Ali Amour amesema tatizo la miundo mbinu linatokanana na vituo vingi vilivyopo katika mkoa huyo vimejengwa kwa ramani za kizamani ambazo hazijazingatia mahitaji ya watu wenye mahitaji maalum (WALEMAVU).

Amesema katika kukabiliana na tatizo hilo Serikali ya inaendelea na Azma yake ya kutoa huduma bora kwa wananchi ikiwemo kujenga majengo ya kisasa yenye kuendana na mahitaji ya kila mwananchi.

Mkutano wa umeandaliwa na Chama cha waandishi wa habari wanawake TAMWA kwa kushirikiana na Jumuia ya Waandishi wa habari za maendeleo Zanzibar (WAHAMAZA),Jumuia ya Kuhifadhi maliasili za asili Pemba NGERANECO chini ya Taasisi zisizokuwa za kiserikali ZANSAZP ili wananchi wajuwe haki zao na watendaji wajuwe wajibu wao katika kuwasaidia wananchi.