Simu zatajwa kuwa ndiye 'Mchawi' Bingwa anaeendelea kuvunja ndoa za watu Zanzibar

HUKU jamii ikiwa na malalamiko ya kuvunjika kwa ndoa hapa Zanzibar, imeelezwa kuwa chanzo kikubwa kinachosababisha kuporomoka kwa ndoa hizo kwa zaidi ya asilimia 90 kunachangiwa na simu za mikononi.

Kaimu Katibu wa Mufti wa Zanzibar, ambaye ni mkuu wa Fatwa na Utafiti, Sheikh Thabit Nomal Jongo, alieleza hayo kwenye mahojiano maalum alipokuwa akizungumza na gazeti huko ofisini kwake Mazizini.

Sheikh Jongo alisema ndoa nyingi zinazovunjika Zanzibar kwa zaidi ya asilimia 90, zinatokana na kuzuka kwa migogoro baina ya wanandoa inayotokana na simu za mikononi.

Alisema, ofisi yake imekuwa ikipokea kwa jumla wastani wa kesi zisipongua 40 hadi 50 kwa mwezi za migogoro ya kindoa zinazotokana na simu za mkononi, huku kesi 20 hadi 30 kwa siku kesi tatu mpaka tano zinahusiana na simu za mkononi.

Aidha, alisema sababu zinazochangia kuvunjika kwa ndoa hizo kunatokana na wanandoa kutokuwa wakweli kwenye mawasiliano ya simu zao, hali inayosababisha kujitokeza shaka ya kuendeana kinyume baina yao na hivyo hatimaye kuamza mgogoro wa kindoa.

Sheikh Jongo alinukuu maandiko maalum ya kitabu kitukufu cha kur-ani, akisema, “Enyi mliomuamini Mwenyezimungu mcheni mungu na semeni maneno ya uwazi na ukweli”.

Alifahamisha kuwa, kwa bahati mbaya wanandoa kabla ya kuoana huwa na   mawasiliano katika mitandao na kuiendeleza wakati wakiwa katika ndoa jambo ambalo linaleta mfarakano kwa kutoaminiana baina yao.

“Utamuona mtu ndio kwanza wanaanza maisha katika ndoa anakunywa chai hafla kapigiwa simu hapokei pale pale ananyuka na kwenda kusikilizia uwani au utamuona anakwenda kukoga lakini simu yake haiwachi anakwenda kukoga nayo chooni na wengine huzitia loki simu zao, yote inaonesha dhahiri kuwa watu wamekosa uaminifu”, alisema.

kusema ukweli huku akiwasisitiza watu kabla ya kuingia kwenye ndoa kufuta namba ambazo zinaweza kumletea migogoro na kuweza kuwa huru katika ndoa zao.

CHANZO: ZANZIBARLEO