Wanausalama na wanajeshi wapiga kura zao kwa mara ya kwanza kwenye uchaguzi Tunisia

Takriban wanausalama na wanajeshi elfu 60 wa Tunisia jana walikwenda katika vituo 359 kupiga kura kwa mara ya kwanza kwenye uchaguzi wa serikali za mitaa. 

Upigaji kura huo umetangulia kwa wiki moja kabla ya ule wa raia. Mwenyekiti wa tume huru ya uchaguzi Bw Mohamed Tlili Mansri amesema huo pia ni uchaguzi wa kwanza wa serikali za mitaa kufanyika nchini humo tangu mwaka 2011. 

Kura za wanausalama na wanajeshi zitahifadhiwa kwenye vituo vya kupigia kura, kabla ya kuchanganywa na kura za raia zitakazopigwa Mei 6.

Kampeni ya uchaguzi wa serikali za mitaa Tunisia imezinduliwa tarehe 15 mwezi huu na itamalizika tarehe 4 mwezi ujao.

CHANZO: CHINASWAHILI