Dawa za Kulevya Bado Kitendawili Pemba, mwingine akamtwa tena na kinachodaiwa kuwa Bangi

 

MKAAZI wa singida Edward bundalla (50) anashikiliwa na jeshi la Polisi Mkoa wa Kaskazini Pemba baada ya kukamatwa akiwa na majani makavu yanayosadikiwa kuwa ni bangi nyongo 748.

Akithibitisha kukamatwa kwa mtuhumiwa huyo ,kamanda wa Polisi Mkoa wa Kaskazini Pemba , kamishina msaidizi Haji Khamis Haji amesema bundala amekamatwa na askaari wa jeshi la polisi katika bandari ya wete muda mfupi baada ya kushuka kwenye chombo akitokea Tanga kuja Pemba .

Amesema kuwa mtuhumiwa huyo bado anaendelea kushikiliwa na jeshi la Polisi na uchunguzi ukikamilika atafikishwa mahakamani kujibu tuhuma zinazomkabili .

“Mtuhumiwa tunaendelea kushikilia na kumfanyia mahojiano na upelelezi ukikamilika atafikishwa  mahakamani kujibu tuhuma zinazomkabili,” alifahamisha.

Aidha kamanda Haji amesema kwa hatua ya kwanza Jeshi la Polisi linajiandaa kuyapeleka majani hayo kwa mkemia mkuu wa Serikali ili yakafanyiwe uchunguzi wa kisayansi .

Akizungumzia suala la uwepo wa Bandari bubu nyingi mkoani hapo , Kamanda Haji amewataka wananchi wanaoishi karibu na zmaeneo hayo kushirikiana na jeshi la polisi kwa kutoa taarifa wanapobaini kuna vitendo vinavyoashiria uhalifu .

Kamanda wa Polisi ameeleza kwamba jeshi la Polisi litaendelea na operesheni ya kamata wasambaji, wauzaji na watumiaji wa dawa za kulevya na kwamba watatekeleza operesheni hiyo bila ya kumuonea mtu.