Uhamiaji Zanzibar yawaongezea Elimu Wadau wake

 

IDARA ya Uhamiaji Tanzania kwa upande wa Zanzibar imetoa Semina Elikezi kwa wadau wa huduma za uhamiaji Kisiwani Pemba ikiwa ni katika kuhahikisha taarifa za wageni na wahamiaji nchini zinapatikana kutoka kwa wadau hao.

Akifungua Semina hiyo iliyofanyika katika ukumbi wa Baraza la Mji Chake Chake Mkuu wa Mkoa wa Kusini Pemba Hemed Suleiman Abdalla amesema wadau wa uhamiaji wana mchango mkubwa katika kuona nchi inaepukana na wahamiaji haramu.

Mapema akimkaribisha Mkuu wa Mkoa, Afisa uhamiaji Mkoa wa Kusini Pemba Abdi Bulushi Juma ameseme lengo la semina hiyo ni kuimarisha biashara na utalii nchini.

Kwa upande wake Khamis Breki ambaye ni mtembeza watalii amesema kuna vikwazo vikijitokeza wakati wakitembeza wageni kutoka katika mamlaka za nchi , huku Mlenge Moh`d kutoka jeshi la polisi akitaka kujua mchango wa diaspora walioko katika nchi mbali mbali kwa taifa.

Semina hiyo elikezi iliwashirikisha madereva wa tax, watembeza watalii, wahudumu  na wenye mahoteli, askari wa jeshi la polisi, kamisheni ya utalii na wadau wengine mbali mbali wanaohusiana na masuala ya uhamiaji.