DC WETE aagiza Madiwani Kushirikiana na Watendaji wa Baraza la Mji Kuharakisha Maendeleo kwa Wananchi

 

MKUU wa Wilaya ya Wete  Abeid Juma  Ali amewataka  Madiwani  wa baraza la Mji Wete  kushirikiana na  watendaji wa baraza hilo katika kutekeleza majukumu yao  ya kazi.

Akizungumza na Madiwani wa baraza hilo  katika ukumbi wa mikutano wa Baraza la Mji Wete amewataka kudhibiti uvujaji wa mapato ili kuongeza  ufanisi wa kazi.

Mkuu huyo wa Wilaya amewataka madiwani hao kusimamia vyema kudhibiti ukusanyaji wa mapato na  wanatoa taarifa sahihi  juu ya ukusanyaji huo.

Aidha amewasisitiza watendaji wa baraza  kufanya kazi kwa uwadilifu kwani  serekali inategemea zaidi mapato yanayokusanywa  kwa ajili ya kufanyia shughuli mbalimbali za kimaendeleo katika wananchi wake.

Kwa upande wake mwenyekiti wa baraza hilo Asaa  Juma   Ali amewasisitiza madiwani kuchukua juhudi za maksudi ili kuhakikisha mapato yanaongezeka .

Nae  Kaimu  Mkurugenzi wa Baraza Hilo Salma Abuu Hamad amesema ataendelea kushirikiana na Madiwani hao katika kutekeleza majukumu yao ili  kuona maendeleo  mazuri yanapaatikana katika baraza . 

Hivyo amewataka wananchi kuondosha dhana potofu kwa watendaji wanaopita  kukusanya mapato kwani pesa hizo zinazokusanywa zinatumika katika shughuli mbali mbali za kimaendeleo  katika wilaya hiyo.