DC WETE aagiza Wizara ya Ujenzi na Mawasiliano kutatua kero ya miundombinu ya barabara wilayani humo

 

MKUU wa Wilaya ya Wete  Abeid  Juma Ali ameitaka Wizara ya Ujenzi Mawasiliano na Usafirishaji Pemba  kuchukua juhudi za makusudi ili kuhakikisha  wanaweka barabara mbadala ambayo itawasidia wananchi baada ya barabara waliyokuwa  wakitumika kuharibika.

Kauli hiyo  ameitoa wakati  wakukagua barabara hiyo ya Gando ilivyoharibika huko katika eneo la Mangwena shehia ya Bopwe akifuatana na kamati ya ulinzi na usalama ya wilaya. 

 Amesema barabara hiyo kwa  hivi sasa imekuwa ni hatari kutumika  hivyo ni vyema kuchukua juhudi za haraka ili kutayarisha barabara ambayo itatumiwa na wananchi katika kipindi hiki na kuendeleza shughuli zao za kawaida.

Aidha ameliagiza jeshi la polisi katika wilaya hiyo kuweka doria katika barabara hiyo ili  kuwazuia wananchi ambao watapita katika eneo hilo.

Nae  Afisa msimamizi wa Barabara Wilaya ya Wete Masoud  Ali Mussa ameahidi kuchukua hatua za kuiboresha barabara ya zamani ili wananchi waweze kuitumia katika kipindi hiki na huku wizara inachukua juhudi za maksudi juu ya barabara hiyo.

Wananchi wanaotumia barabara hiyo ya Gando wanaiomba Wizara ya Ujenzi  Mawasiliano  na Usafirishaji  Pemba kufanya  utafiti wa kina wakati wa kuirekebisha barabara hiyo  ili kuepuka changamoto zinazopelekea  uharibifu wa barabara hiyo kila ifikapo kipindi cha mvua  .