'Tutaendelea kushirikiana na Serikali kuu Kutatua tatizo la Madawati'

 

MKUU wa mkoa wa mjini wa magharib mhe, Ayoub Mohammed Mahmuud amesema wataendelea kushirikiana na serikali kuu katika  kutatua tatizo la madawati kwa skuli za mkoa wa mjini ili kuimarisha ubora wa elimu nchini

Akizungumza na waandishi wa habari katika ziara maalumu katika  eneo lililotengwa kwa ukati wa miti itakayotumika kutengenezea madawati ya  skuli za mkoa wa mjini alisema  hatua hiyo imekuja kutokana na upungufu wa madawati katika skuli za mkoa wa mjini lilosababishwa na kuongezeka kwa madarasa mapya.

Alisema pamoja na serikali kuu kuhamasisha wadau mbali mbali kuchangia upatikanaji wa madawati hayo, bado mkoa wa mjini  magharibi  unahitaji wastani wa madawati 33,000 hivyo ili kukabiliana na tatizo hilo ofisi yake imeamua kununua miti katika eneo  la kichwele na kuchana mbao ambazo zitatumika kutengenezea madawati hayo.

Aidha Mhe; Ayoub alisema  hadi sasa mbao elfu 2 zimeshapatikana ambapo kati ya hizo mbao 1,150 zimeshapakwa  dawa kwa ajili ya kutengezea madawati na kuwashukuru wadau mbali mbali walioitikia wito wa kusaidia mchakato huo.

Kwa upande mwingine mhe, Ayoub  ametoa wito kwa wadau wa maendeleo wa ndani na nje ya mkoa huo kuendelea kutoa michango yao katika suala la elimu ili kukidhi mahitaji ya wanafunzi kwa lengo na kukuza kiwango cha elimu nchini.

Hata hivyo alisema  kupitia njia hiyo mkoa huo  utaokoa zaidi ya shilingi 212,000 kwa dawati moja ambapo ekari 137 zinatarajiwa kuvunwa miti hiyo katika shamba la mipira la Kichwele kwa kutumia mafundi kutoka idara maalum za serikali ya mapinduzi ya Zanzibar.  

Nae Katibu Mtendaji wa kamati ya ukataji miti ya mipira kwa ajili ya madawati Mkoa wa mjini  Magharibi ndugu Mohammed Sheha Kheir amesema katika zoezi hilo miti 3045 inatarajiwa kukatwa kwa ajili ya kutengenezea madawati zaidi ya elfu 12.

Pia Katibu mtendaji huyo ameiomba serikali ya mkoa kuwapatia vitendea kazi ikiwemo viatu kwa ajili ya mvua na kuharakishwa kupatiwa posho  zao kwa ajili ya kujikimu kimaisha ili kufanya kazi  kwa ufanisi zaidi.

Ziara hiyo mkuu wa mkoa huyo ilimalizia katika kiwanda cha SANA kinachotumika kutia dawa mbao  kabla ya kuuanganishwa na kuwa dawati lengo la kukabiliana na tatizo la madawati katika mkoa wake na maeneo mengine kwa ujumla.