Mashindano ya Insha Zanzibar kupewa kipaumbele kwa Wanafunzi wa Sekondari

WANAFUNZI Wa Skuli  Za  Sekondari Zanzibar  wametakiwa kufikiria  masomo  yao zaidi na  kuacha vitendo ambavyo vitapelekea kupunguza juhudi za kushughulikia masomo  hatua  ambayo itapunguza ufaulu katika mitihani yao  .

Akizungumza kwa niaba ya Mkuu wa Mkoa Mjini Magharibi katika Mashindano  ya  utungaji  wa  Insha  kwa  Wanafunzi  wa  Kidato  cha  Tatu  na  Nne  Mkuu  wa  Wilaya  ya  Magharibi  A    Captein  Khatib  Khamis  Amesema  Wanafunzi  wengi  wamekuwa wakizarau  Masomo  yao  na  kushughulikia  Michezo  ambayo  haina  manufaaa  ndani  ya  maisha.

Aidha  Mkuu  huyo wa Wilaya  Amelitaka  Shirika  La  Bima   Zanzibar  Kupeleka Ushawishi Kwa  Mashirika  Mengine  katika  kuunga  mkono juhudi za Serikali  katika kuendeleza Elimu   hususani  katika   mitihani   ya  majaribio   kwa  lengo  la  kupata  wataalamu  waliobobea  katika  fani  mbalimbali.

Mkurugenzi   wa  Idara  ya  Michezo  na  Utamaduni  Zanzibar  Hassan  Tawakal Hairallah  amesema  kuwa Wizara ya Elimu kupitia idara  ya  Michezo  Zanzibar  itahakikisha   inaunga  mkono  mashindano  ya  insha  yanayotolewa  kila  mwaka  ili  kukuza  Michezo  katika  Skuli  Zote  Za  Visiwa  Vya  Zanzibar . 

Aidha  Mkurugenzi Mtendaji  wa  Shirika  la  Bima  Zanzibar   Abdulnasir  Abdulrahmani amesema  kuwa  Shirika hilo litaendelea  kushirikiana  na Wizara  ya  Elimu   katika  shughuli  mbalimbali ili kuona sekta hiyo inaendelea kukuza vipaji vya wanafunzi katika nyanja tofauti.

Wakizungumza mara baada ufunguzi wa shindano hilo baadhi  ya  Wanafunzi  wa  Skuli  za  Sekondari  wameishukuru Wizara  ya  Elimu  kwa  kuwawekea  Mashindano  hayo  ambayo  yanaweza  kukuza  akili   na  kusababisha  ufaulu  kwa  wanafunzi  wengi . 

Katika  Mashindano  hayo  yatajumuisha  zawadi  mbalimbali  kwa  washindi ikiwemo Pesa  Shilingi  laki  Tatu  kwa  Mshindi w  Mwanzo , Laptop, Mabuku  Arobaini  na  Mkoba  wa  Skuli.