Mkaazi wa Micheweni apandishwa kizimbani kwa tuhuma ya ubakaji

 

JESHI la Polisi Mkoa wa  Kaskazini Pemba limepandisha katika mahakama ya Wilaya Wete kijana Mwalimu Khamis Suleiman akikabiliwa na tuhuma za kosa la kubaka .

Kijana huyo mwenye umri wa miaka 22mkaazi wa shehia ya chimba wilaya ya Micheweni , anadaiwa kumbaka mtoto wa kike mwenye umri wa miaka 14.

Imedaiwa mahakamani hapo na mwendesha mashitaka kutoka Ofisi ya Mkuruguenzi wa mashtaka wa Serikali ,Juma Ali Juma  mbele ya hakimu wa mahakama hiyo abdalla yahya shamuhuna kwamba mtuhumiwa huyo ametenda kosa hilo siku isiyojulikana ya mwezi wa tisa mwaka 2017 majira ya saa mbili na nusu usiku  huko Chimba alimbaka mtoto wa kike jina linahifadhiwa .

Baada ya kusomewa shitaka lake ,mtuhumiwa huyo hakutakiwa kujibu lolote kwa kuwa mahakama haina uwezo wa kusikiliza kesi za aina hiyo .

Hivyo hakimu wa mahakama hiyo aliamuru mtuhumiwa huyo amepelekwa rumande hadi kesho asubuhi atakapopandishwa katika mahakama ya Mkoa .