Uzalishaji wa Karafuu Zanzibar kwa Mwaka 2017/18 Warejesha Matumaini

JUMLA ya tani 8,533 za Karafuu zenye thamani ya shilingi bilioni 119 zimenunuliwa na Shirika la Biashara la Taifa Zanzibar (ZSTC) katika msimu wa vuno la zao hilo msimu wa 2017_2018.

Mkurugenzi fedha wa shirika hilo, Ismail Omar Bai amesema kuwa kiwango hicho kimevuka lengo la Shirika la kununua SKrafuu tani 6,770 ambazo ZSTC ilipanga kununua kwa msimu huu.

Bai aliyasema hayo wakati akitoa tathimini ya utekelezaji wa kazi kwa msimu wa vuno la karafuu kwa mwaka 2017-2018 katika mkutano wa wakulima wa karafuu wa Wilaya ya MIcheweni uliofanyika kwenye ukumbi wa skuli ya Sekondari Micheweni.

Amesema shirika limefanikiwa kuvuka lengo la ununuzi wa karafuu baada ya wananchi kutoa ushirikiano na kusimamia kuuza karafuu zao kwenye vituo vya ZSTC ambavyo ndiyo vilivyo na jukumu la kununua karafuu kutoka kwa wananchi.

"Shirika limevuka lengo kwa msimu huu, hii imetokana na wananchi kuelimika na hivyo kuuza karafuu kwenye vituo vya shirika la ZSTC, hivyo na tunawaomba waendelee kutuunga mkono "alifahamisha Afisa huyo.

Mapema akifungua mkutano huo MKuu wa Mkoa wa Kaskazini Pemba ambae pia ndie aliyekuwa mgeni rasmi katika mkutano huo, Mhe. Omar Khamis Othman amesema mafanikio hayo yametokana na wananchi kujiepusha na vitendo vya uuzaji wa karafuu kwa njia ya magendo.

Ameema kamba, serikali kupitia vyombo vya ulinzi na usalama viemefanya kazi kubwa kuhakikisha biashara hiyo haramu inadhibitiwa na wananchi kutambua umuhimu wa kuuza karafauu zao kwenye vituo vya ZSTC.

 Aidha Mkuu wa mkoa amewasisitiza wakulima kuacha tabia ya kushirikiana na wafanya biashara wa magendo ya karafuu ambao zaidi wanajali maslahi yao binafsi hivyo kusababisha serikali kukosa mapato yake.

"Nachukua fursa hii kulipongeza shirika kwa kufanikiwa kuvuka lengo , hii imetokana na ushirikianao uliooneshwa na wakulima baada ya Serikali kupitia vyombo vya ulinzi kuimarisha ulinzi na kudhihiti magendo ya karafuu," alisema.

Naye mwanaheria wa Shirika la ZSTC Ali Hilali Vuai amewataka wananchi kufuata sheria bila ya kushurutishwa katika kuilinda mikarafuu pamoja na zao la karafuu kwa ijumla.

Aidha mwanasheria amefahamisha kuwa zipo sheria ambazo zinaweza kumtia hatiani mwananchi ambaye atakwenda kinyume na matakwa ya sheria iikiwa ni pamoja na kuhamisha karafuu bila ya kufuata kibali kutoka serikalini sambamba na kuanika karafuu sehemu ambazo sio sahihi.

Naye Ostadhi Omar Hamad akitoa mada ya uadilifu katika Biashara ya karafuu amesema ni vyema wananchi kujiepuesha na vitendo vya udanganyifu wanapokwenda kuuza karafauau zao kwenye vituo vya ZSTC.

Amesema kuwa tabia ya baadhi ya wakulima kuchanganya karafuu na makonyo ili kuongeza uzito , ni jambo ambalo linasababisha uchafu wa karafuu na hivyo kuweza kushusha ubora wake kwenye soko la dunia.

Amesema kitendo cha Serikali kupandisha bei ya zao la karafuu ili kuwaweza wakulima kupambana na umaskini na hivyo kukuza kipato cha nchi na wananchi wake.

Mkutano huo umewakutanisha maafisa kutoka Shirika la Biashara la Taifa Zanzibar (ZSTC, Maofisa wa Serikali Wilaya pamoja  na wakulima ukiwa na lengo la kujadili maendeleo ya Karafuu katika Wilaya ya Micheweni, ambapo pia Mgeni Rasmi Mkuu wa Mkoa wa Kaskazini Pemba, aliweza kukabidhi vyeti kwa Wakulima Bora wa Zao hilo kwa Mwana 2017/18.

Mgeni Rasmi, ambae pia ni Mkuu wa Mkoa wa Kaskazini Pemba Mhe. Omar Khamis Othiman akikabidhi Kadi ya ZSTC kwa mkulima wa Karafuu wakati wa Mkutano huo.

Mgeni Rasmi, ambae pia ni Mkuu wa Mkoa wa Kaskazini Pemba Mhe. Omar Khamis Othiman akimkabidhi Cheti  cha Mkulima Bora wa Mwaka wa Karafuu kwa Wilaya ya Micheweni, Ndugu, Masoud Said Ali wakati wa Mkutano huo.

(PICHA ZOTE NA Gaspary Charles-Micheweni Redio)