Viongiozi wa Matawi CCM Pemba wakumbushwa kufanya kazi

 

MJUMBE wa Kamati Kuu ya CCM- KOMBO HASSAN JUMA amewahimiza viongozi wa Matawi ya CCM Pemba kuitisha vikao kupanga mikakati ya  maendeleo ya chama ili kuendana na kasi ya viongozi wa kitaifa wa chama hicho.

Amesema kwa sasa Chama kimo katika mageuzi makubwa ya maendeleo , hivyo ni budi viongozi wa Matawi kuhakikisha wanaitisha vikao kwa mujibu wa katiba ya chama.

Akizungumza na viongozi wa Matawi ya CCM Pemba akiwa katika ziara yake cha siku tatu kutembelea matawi ya chama hicho  , amewataka kufanya kazi wa bidii na kwa mujibu wa nafasi zao na kuwatumikia wanachama wote .

Aidha Kombo amesema uhai wa chama unategemea na uhai wa wanachama na jumuiya zake , hivyo wanapaswa kusimamia suala la kulipia ada kadi zao .

Naye katibu wa Kitengo cha CCM Pemba Bi zulfa Abdalla Said amewataka kuanza maandalizi ya uchaguzi mkuu wa mwaka 2020 kwa kuongeza wanachama wapya.