Wananchi Micheweni watakiwa kushirikiana na Watafiti wa Mafuta Wilayani humo

 

MASHEHA Wilaya ya Micheweni wametakiwa kutoa elimu ya utafiti wa uchimbaji wa mafuta na Gesi kwa Wananchi ili kuweza kuvitunza na kuvilinda vifaa vya utafiti ambavyo vitawekwa katika Maeneo yao.

Ushauri huo umetolewa na Afisa Mdhamini Wizara ya Ardhi, Nyumba, Maji na Nishati Pemba, Juma Bakar Alawi katika kikao cha kuitambulisha Kampuni ya Utafiti wa Mafuta na Gesi ya BGP kwa Masheha wa Wilaya hiyo.

Mdhamini huyo amesema ili zoezi la Utafiti wa Mafuta na Gesi liweze kufanikiwa kwa kuwango sitahiki ni lazima Masheha kuwa Msitari wa Mbele kutoa Mashirikiano kwa Kampuni hiyo ikiwa ni pamoja na kuwashajihisha wananchi wao kuilinda Miundombinu ya Utafiti huo.

Awali akizungumza katika kikao hicho, Afisa Rasilimali Watu wa Kampuni hiyo, Abdul Bashiru Mohamed amesema zoezi hilo linatarajia kutoa fursa za Ajira kwa Wananchi mbalimbali.