Waziri SMZ: Fedha za TASSAF hazihusiani na Siasa

 

WAZIRI wa Nchi Ofisi ya Makamo wa Pili Mhe Mohamed Aboud Mohammed amesema Fedha za Ruzuku zinazotolewa na mfuko wa maendeleo ya Jamii nchini TASSAF kusaidia kaya maskini hazihusiani na maswala ya kisiasa.

Akizungumza  na masheha wa wilaya ya Wete Mkoa wa Kaskazini Pemba, Madiwani pamoja na watendaji wa Serikali katika ofisi ya Mkuu wa Mkoa wa Kaskazini Pemba, amesema wanufaika wa fedha hizo ni wananchi waliotimiza vigezo bila ya kujali itikadi ya vyama vyao.

Aidha amesema kuwa Serikali haina nia ya kumtenga mwananchi kutokana na imani yake kisiasa juu ya Ruzuku hizo bali itaendelea kusimamia haki kwa wananchi wote.

Naye Mkuu wa Mkoa wa Kaskazini mhe Omar Khamis Othman amewasisitiza masheha kuacha kuwabagua wananchi kwa misingi ya kisiasa kwani fedha hizo zinatolewa kwa wananchi wote wa Zanzibar waliotimiza vigezo.