'Wananchi Pemba toeni mashirikiano kwa watafiti wa Mafuta, Gesi'

WANANCHI kisiwani Pemba wametakiwa kutoa mashirikiano na kukubali kuruhusu  maeneo yao kutumika  wakati wa kazi ya utafiti wa mafuta na gesi asilia unapofanyika. 

Meneja mkuu wa kampuni ya utafifi wa mafuta na gesi asili ya BRUNSWICK RESOUCES LIMITED Steven Lwendo ameyasema hayo huko ukumbi wa Taasisi ya nyaraka na  Mambo ya kale Chake –chake Pemba alipokuwa akizungumza na waandishi wa habari juu kutoa elimu kwa jamii kuhusu zoezi la utafiti ilinavyoendele.

Amesema ni lazima watu waelewe kinachoendelea katika zoezi hilo ili kujenga matumaini juu ya kazi hiyo.

Awali Afisa Mdhamini wizara ya Maji Ujenzi Ardhi na Nishati Juma Bakari Alawi amesema wananchi wanapaswa kuwa watulivu na kusikiliza maelekezo ili kurasihisha utafiti huo kufanyika kwa mafaniki.

Nao waandishi hao wameahidi kushirikiana na mamlaka na watafiti hao ili kuwapa taarifa wananchi kila eneo ambalo utafiti unafanyika