Balozi Seif Ali Idd awasihi wanafunzi kuyapenda Masomo ya Sayansi kwa Maendeleo ya Taifa

MAKAMO wa pili wa Rais Mhe Balozi Seif Ali Idd amewataka wanafunzi kupenda kusoma masomo ya sayansi ili kuifanya serikali kuacha kuagiza walimu wa masomo ya sayansi kutoka nje ya nchi .

Amesema lengo la serikali ni kujitosheleza kwa wataalamu , hivyo ni vyema wanafunzi kusoma kwa juhudi na maarifa ili waweze kuyafahamu masomo yao ambayo pia yanasoko katika uimwengu wa leo.

Akikabidhi msaada wa madawati uliotolewa na mfanyabiashara Said Bopar  kwa uongozi Wizara YA Elimu kwa ajili ya Skuli ya Micheweni , Balozi Seif amewahimiza wanafunzi kuhakikisha wanasoma masomo ya hisabati , Phiskia pamoja na kemia .

Aidha Balozi Seif Ali Idd amewataka wazazi kufuatiliamaendeleo ya watoto wao skuli kwa kuhakikisha wanahuduhuria masomo yao , jambo ambalo linawafanya wasome kwa bidii .

Wakati huo huo Balozi Seif amekabidhi vifaa vya upasuaji katika Hospitali ya Micheweni na kuwataka Madaktari kuvitunza na kuvitumia kama ilivyokusudiwa.