Idara ya Maendeleo ya Mifugo Pemba yavuka lengo la WHO Chanjo ya Mbwa

 

LICHA ya ushiriki mdogo wa wafugaji wa mbwa kupeleka mbwa wao  kupatiwa chanjo ya kichaa cha mbwa , lakini Idara ya Maendeleo ya Mifugo kisiwani Pemba imefanikwa kuvuka lengo la kutoa chanjo  lililowekwa na Shirika la Afya Ulimwenguni –WHO- kwa mwaka 2017.

Akizungumza wakati wa zoezi la kutoa chanjo  ya kichaa cha mbwa katika kisiwa cha fundo , Daktari wa mifugo  Ali Zahran Mohammed kwa niaba ya Mkuu wa Idara ya Maendeleo ya Mifugo Pemba , amesema  Idara imefanikiwa kupunguza kesi za  watu kutafunwa na mbwa kutoka 289 kwa mwaka 2017  mpaka kesi 26 kwa mwaka huu.

Aidha Dr Ali amesema  bado  zipo changamoto zinazowakabili ikiwa ni pamoja na wananchi kutowapeleka mbwa wao kupatiwa chanjo hususani wafugaji wa mbwa wa  wilaya ya michezweni .

Naye mfugaji wa mbwa yussuf abeid sharif amewataka wafugaji wenzake wa mbwa kushiriki kuwapeleka mbwa wao kuwapatia chanjo hiyo ili kuwakinga na ugonjwa wa kichaa cha mbwa .

Zaidi ya mbwa 2000 wanatarajia kupatiwa chanjo ya kinga ya kichaa cha mbwa kwa wilaya zote za Pemba.