'Iwapo dhana hizI zitaendelea kutumika uwezekano wa wavuvi kukumbwa na umaskini ni mkubwa'

 

UHARIBU wa Mazingira ya bahari unaofanywa na baadhi ya wavuvi wanaotumia dhana zilizopigwa marufuku umechangia kupungua mazao ya habaharini wakiwemo samaki katika bahari wa mwambao ya Pemba.

Wakizungumza na REDIO JAMII MICHEWENI, baadhi ya wavuvi katika bandari ya Wete, wamesema uvuvi wa kutumia nyavu za kukokota unasababisha kuvurugwa kwa matumbawe ambayo ni mazalio ya samaki.

Mmoja wa wavuvi Mohammed Khamis Juma (45)  amefahamisha kwamba sekta ya uvuvi huchangia ajira kwa vijana wengi, na kwamba iwapo dhana hizo zitaendelea kutumia uwezekano wa  wavuvi kukumbwa na umaskini .

Kwa upande wake Said Kombo (52) amelalamikia tabia ya baadhi ya wavuvi kutumia uvuvi wa mabomu ambao unakimbiza samaki kutokana na vishindo vinavyotokea baharini.

Amesema baadhi ya wakati anaenda kuvua na kurudi bila samaki , licha ya kwamba anategemea kazi ya uvuvi kuendesha maisha yake pamoja na familia yake  

Afisa Mkuu wa Idara ya Maendeleo ya Uvuvi na Mazao ya Baharini, kutoka Wizara Kiimo , Malasili, Mfugo na Uvuvi Pemba Sharif Mohammed Faki amekiri kuwa uvuvi wa kutumia dhana haramu unasababisha kupungua samaki baharini.

Amesema , katika kukabiliana na hali hiyo , Idara imekuwa ikiwatumia wajumbe wa kamati za wavuvi za shehia na Wilaya kuwaelimisha wananchi kuzingatia uvuvi unajali hifadhi ya mazingira ya bahari.

Akizungumzia athari za uvuvi huo, Sharif amesema unaathari kubwa kwa viumbe vya baharini, kwani hukokozoa vyakula vya samaki na kuvunja matumbawe jambo ambalo linakimbiza samaki na kukimbilia maji makubwa.

Kwa mujibu wa sheria ya Uvuvi namba 7 /2010 sehemu ya tano na sita , inazungumzia marufuku ya matumizi ya dhana haramu pamoja na adhabu yake kwa atakayebainika kuhusika na vitendo hivyo .