Waziri SMZ: 'Serikali inaendelea kuandaa mazingira bora yatakayowawezesha wanafunzi kupata Elimu'

WAZIRI wa Nchi Ofisi ya Makamo wa Pili Mhe Mohammed Aboud Mohammed amesema Serikali inaendelea kuandaa mazingira bora yatakayowawezesha wanafunzi kupata elimu ili asiwepo mtoto anakosa elimu.

Amesema kuwa lengo la serikali ni kuona kila mwanafunzi anatimiza ndoto zake za kupata elimu bora ambayo itamsaidia katika maisha yake pamoja na familia yake.

Mhe Aboud ameyasema hayo wakati akungua kituo cha maktaba ya kutumianjia ya umeme katika skuli ya Kiuyu Mbuyuni Wilaya ya Micheweni Mkoa wa Kaskazini Pemba.

Amefahamisha kwamba kufunguliwa kwa kituo hicho ni moja ya mikakati ya Serikali ya kuinua kiwango cha elimu nchini na kuwataka wanafunzi kukitumia kwa ajili ya kungeza maarifa na uweleza wa masomo yao.

Naye Mkuu wa Mkoa wa Kaskazini Pemba Mhe Omar Khamis Othman amewasisitiza wazazi kuwapa fursa ya kusoma watoto wa kike na kuacha kuwakatisha masomo na kuolewa.

Amesema haki ya kupata elimu ni ya wote hivyo wanapaswa kuzingatia kwamba hata mtoto wa kike anaweza kusoma na kuisaidia jamii yake baada ya kuhitimu elimu yake.

Mwakilishi wa Jimbo la Micheweni ambaye pia ni Naibu Waziri, Ofisi ya Rais, Tawala za Mikoa, serikali za mitaa na Idara maalumu za SMZ Mhe Shamata Shaame Khamis amesema kwa ushirikiano wa wazazi na hjamii ya kiuyu watakituza kituo hicho ili kiweze kutumika kama ilivyo kusudiwa.